زامبيا تفوز بكاس افريقيا للامم برصاصات لاعبيها الفضية التي سكنت قلوب الافيال فاجهزت عليها بالقاضية بعد مباراة ماراطونية لم تظهر معالم المنتصر فيها الا بعد ضربات الحظ الترجيحية التي حبست انفاس كل المتتبعين. لتعادل بانجازها هذا تاريخ الكرة المغربية منذ بدايته, الذي لا يزال يتباهى الى الان بلقبه اليتيم في "اديس ابابا". فعن اي كرة قدم مغربية نتحدث و عن اي منتخب نسيل عنه دموعنا قبل  مداد اقلامنا و عن اي "غيريتس" نبدر باجرته الخيالية اموال الشعب. فالاحرى بنا من اليوم ان نركز جهودنا على رياضة اخرى تضمن لنا الالقاب و الميداليات او على الاقل, المشاركة المشرفة ….الحاصول مبروك لزامبيا او الرصاصات الفضية; اللي بغيتو.

                          *****************************

    اهدي لحبيبتي و زوجتي المستقبلية التي لم التقي بها بعد, باقة ورد احمر و ابيض و قارورة من افخم العطور الفرنسية و دمية وردية على شكل ارنب بري بمناسبة عيد الحب, و بغيت نقوليها واركي تعاطالتي عليا ا الحبيبه بالزاف, راني قربت ل 30 عام واش بغيتي تباني حتى يولي فيا غي لكادر. اواااه و الله حتى عاياقتي بالله.

                          *****************************

   اللي مصاحب دابا خاصو 50 درهم ديال التليفون ف النهار. الى بغا يتلاقى معاها خاصو 30 درهم ديال عصير و حلوة باتيسري زيد عليها قهوة كحله ديالو على الغدايد واخا يكون ماكايشربهاش + كادو القليييله ديال 50 درهم كل شهر. الصراحة بنادم هاذ الايام يكون مزوج حسن من ما يكون مصاحب. حمدتك يا ربي و شكرتك, عبدك ما مزوج ما مصاحب.